Îro li bajarê Silêmaniyê bi beşdariya malbatên wan, welatparêz û azadîxwazan, 7 ciwanên ku tevlî seferberî û berxwedana rûmetê ya Rojavayê Kurdistanê bûn, îro li Silêmaniyê bi awayek girseyî û bicoş hatin pêşwazîkirin.
Ciwanên ku bi armanca parastina xak, gel û rûmeta Rojavayê Kurdistanê ji êrişên hovane yên çeteyên hikûmeta Şamê, DAIŞ û çeteyên dewleta Tirk a dagirker di çarçoveya ragihandina seferberiya giştî ya rêveberiya Rojavayê Kurdistanê de berê xwe dabûn Rojava, navên wan wiha ne; Bîlal Dilşad, Bîner Ceza, Aso Reûf, Hawar Hawrê, Rojyar Rêbwar, Soran Ebûbekir û Dr. Berzan Heme Rehîm’in.
Di destpêka merasîma pêşwazîkirina ciwanên berxwedêrên berxwedana rûmetê ya Rojavayê Kurdistanê de, Kemal Heme Reza axaftinek kir û got: “Ev yek ji bo me gelek şanaziyê ye ku ciwanên me bi vî rengî mijarên netewî digirin dest û girîngiyê didinê. Ji ber ku niha dem hatiye ku tevahiya gelê Kurd bibe yek.”
Her wisa yek ji ciwanên ku beşdarî seferberiya Rojayê Kurdistanê bûbû yê binavê Soran Ebûbekir jî di merasîmê de hestên xwe anînin ziman û ev tişt got; “Dema ku seferberiya giştî ya Rojava hat ragihandin û bang li Kurdan hat kirin, em amade bûn ku xwe feda bikin. Ji ber ku gelê me bi qirkirinek navnetewî re rûbirû ma. Lê tevahiya gelê Kurd karî bi hev re, bi yek dil û yekdeng li dijî êrişan raweste.”
Her beşdarekê din yê seferberiyê Dr. Berzan Heme Rehîm got ku parastina axa Kurdistanê erkê her kesekî li vî welatî dijî ye û bang li gelê Kurd kir ku bibin yek û piştgiriya xwe ya ji bo gelê Rojavayê Kurdistanê bidomînin.
Di dawiya çalakiyê de, ji aliyê Komîteya ji Ocalan re Azadî gulên rêzgirtin û wefadariyê pêşkêşî ciwanên ku ji berxwedana rûmetê ya Rojava vegeriyan re hatin pêşkêşkirin.
