Koordînasyona Civaka Êzidî ya li Ewropayê ji ber koça dawî ya Salih Muslim ku weke Bavê Welat tê naskirin, peyameke sersaxiyê weşand.
Di peyamê de bi navê civak û saziyên Êzidî xemgîniya ji ber şehadeta Salih Muslim hate ziman û sersaxî ji malbata wî, gelê Kurd, bi taybetî jî ji gelê Rojava û dostên gelê Kurd re hate xwestin.
Di peyama sersaxiyê de hate gotin, “Bavê Welat di qada siyeseta demokratîk a gelê Kurd de û bi taybetî di têkoşîna li Rojava de kesayetekî pêşeng û xwedî kedeke mezin bû. Birêz Salih Mûslim di heman demê de dostekî civaka Êzidî yê hêja bû. Ji aliyê civaka Êzidî ve dihate hezkirin.”
Koordînasyona Civaka Êzidî ya Ewropayê diyar kir ku wê doza Salih Muslim hîn xurt bikin û heta serketinê xwedî li têkoşîna cangoriyên xwe derkevin.
Di dawiya peyamê de Salih Muslim bi rêzdarî hate bîranîn.
