Lîderê MHP’ê Devlet Bahçelî işart bi rapora komîsyona meclîsê kir û anî ziman ku di vê çarçoveyê de gavên pêwîst wê bi rengekî plankirî bêne avêtin.
Bahçelî got, “Di çarçoveya armanca me ya ‘Tirkiyeya bêteror’ de li gorî rapora ku komîsyona têkildar amade kir, sererastkirinên hiqûqî û demokratîk wê gav bi gav bêne bicihanîn. Di vê pêvajoyê de ya esasî ew be ku daxuyaniyên bibin sedema fêhmkirina şaş û şikestinê zêde bike, neyên dayin.”
Bahçelî îdîa kir ku divê nelezînin û diyar kir ku ew bawer dike, piştî cejnê wê reform qonax bi qonax derbasî pratîkê bibin, gavên qanûnî û demokratîk bi dorê bêne avêtin.
Di axaftina xwe de Bahçelî bal kişand ser bûyerên herêmî û got, “Şerê ku li aliyê din ê sînorê me diqewime nîşan da ku gelek, miletek heta ku bi navxweyî ji hev nekeve, ti hêz nikare li hemberî wî gelî bi ser bikeve.”
