Konseya Yekîtiya Ewropayê (YE) bi daxuyaniyeke nivîskî ragihand ku dema tevdîrên sînordar ên li dijî binpêkirinên giran ên mafên mirovan li Îranê, heta 13’ê Nîsana 2027’an hatiye dirêjkirin. Di daxuyaniyê de hat diyarkirin ku di lîsteya nûkirî de bi giştî 262 kes û 53 sazî cih digirin. Hat destnîşankirin ku cezayên navborî qedexeya geştê û cemidandina malûmilkan li xwe digire; her wiha hinartina amûrên ku ji bo zextên navxweyî û teknolojiyên şopandina peywendiyan ango telekomunîkasyonê têne bikaranîn jî di çarçoveya qedexeyê de ne.
Di berdewamiya daxuyaniyê de hat gotin ku ji bo hemwelatî û şêrîkên YE’yê qedexe ye ku çavkaniyên darayî bidin kes û saziyên di lîsteyê de. Di pêvajoya nirxandina cezayan de, kesekî ku jiyana xwe ji dest dabû ji lîsteyê hate derxistin.
YE’yê ji ber binpêkirinên giran ên mafên mirovan ên li Îranê, cezayên yekem di sala 2011’an de xistibû meriyetê û ji wê dîrokê ve her sal van tevdîran dirêj dike.
