Ajansa Nûçeyan a Mizanê ragihand ku Sultan Ali Şirzadi yê ji ber endametiya Rêxistina Mucahîtên Gel ên Îranê girtî bû, vê sibehê hatiye darvekirin. Îdîaya ‘sîxuriya’ ji bo Îsraîlê weke hinceta darvekirinê hate nîşandan. Li Îranê ku darizandineke adîl nîne û bi zora êşkenceyê îfade tê wergirtin, gelek girtiyên siyasî bi rêk û pêk bi heman sûcdariyan hatin darvekirin.
Li gorî daneyên li çapemeniyê hatin weşandin, tenê mehekê li Îranê herî kêm 9 endamên Rêxistina Mucahîtên Gel hatin darvekirin.
Du rêxistinên civakî yên sivîl Rêxistina Mafên Mirovan a Îranê (IHR) a ku navenda wê li Norwêcê ye û Li dijî Cezayê Mirinê ya ku navenda wê li Parîsê ye roja Duşemê bi daxuyaniyan ragihandin ku rayedarên Îranî di sala 2025’an de herî kêm 1.639 kes darve kirin û ev yek ji sala 1989’an û vir ve hejmara herî zêde ye.
