Li bajarê Krasnodar ê Federasyona Rûsyayê ji bo bîranîna Şehîdên Meha Gulanê civîn hat lidarxistin û xêr hate dayîn. Di civînê de li ser wate û girîngiya rojê axaftin hate kirin.
Di civînê de hate diyarkirin ku ji bo gelê Kurd meha Gulanê gelek bi wate û cihê rûmetê ye û wiha hate gotin, “Ji ber ku di vê mehê de gelek şehîdên ku mohra xwe li dîrokê dane, hene. Di heman demê de şehîdên ku pêşengtiya hunera Kurdî û şoreşê dikirin, di vê meha pîroz de şehîd bûne.
Em weke gelê Kurd ê li Rûsyayê, bi şehîdên Kurdistanê serbilind in. Zêdeyî 50 sal in bi saya pêşegtiya Rêber Apo û şehîdan, gelê Kurd êdî li tevahiya cihanê tê naskirin. Ji bo wê jî weke gelê Kurd em dibêjin, şehîd pêşengên jiyan û hebûna me ne, em bi şehîdan û Rêberê xwe re ne.”
Civîn bi berzkirina dirûşmeyên “Şehîd Namirin” û “Bê Serok jiyan nabe” bi dawî bû.
