Di gel ku nîqaşên têkildarî bandorên çay û qehweyê yên li ser tenduristiyê berdewam dikin jî lêkolînên nû bandorên van her du vexwarinan ên li ser tenduristiya hestûyan û rîska osteoporoz eşkere kirin.
Di xebateke berfireh a li gel daneyên UK Biobankê hate birêvebirin de, nêzîkî refleksên mêzaxtinê yên 488 hezar kesan hatin lêkolînkirin. Li gorî lêkolînê vexwarina çay û qehweyê ya birêkûpêk, rîska ostoeporozê kêm dike. Bi taybetî jî hate diyarkirin ku qehweya ku dendikên wê hatine hêrandin bandora herî bihêz a hêvîşkar nîşan dide û di qehweya bêkafeîn de heman bandor nehatine dîtin.
Zanistan dan zanîn ku vexwarina çay, qehweyê ya bi hev re ji aliyê tenduristiya hestûyan ve wê encamên erênîtir werin bidestxistin lê belê têkiliya wan ‘’weke U’yê’’ ye. Yanî bi qasî vexwarina pir kêm vexwarina zêde jî dikare fêdeyên wan kêm bikin.
Her wiha lêkolîneke din a ji aliyê Zanîngeha Flinders a li Awûstralyayê ve hatiye kirin, nîşan da ku bi taybetî vexwarina çayê li gel jinên temenmezin hinekî zêdebûna hestûyê kemaxê zêde dike. Di heman xebatê de hişyarî hate dayîn ku vexwarina pênc fîncan qehweyê ya di nava rojekê de dikare zêdebûna hestûyan kêm bike.
Li gorî pisporan pêkhateyên antîoksîdan ên weke kateşîn û theaflavîn ên di nava çayê de dikarin piştevaniyê li çêbûna hestûyan bikin. Tê diyarkirin ku dema qehwe jî bipîvan hate vexwarin rê li ber rîskeke cidî venake lê belê kafeîna zêde dikare mijeriya kalsiyûmê hinekî kêm bike.
Di analîzên meta de ku di kovarên zanîstî de tên weşandin, encamên hevşib hatin bidestxistin. Hin lêkolîn diyar dikin ku vexwarina çay û qehweyê ya birêkûpêk dikare rîska ostoeporozê kêm bike lê belê pispor dibêjin ku faktorên şêwejiyanê jî gelekî girîng in.
Lêkolîner diyar dikin ku ji bo parastina tenduristiya hestûyan bes tercîha vexwarinan bi têrê nake; rola meşa birêkûpêk, standina kalsiyûm û vîtamîna D’yê ya hewce, nekişandina cixareyê û xwarin-vexwarina baş jî gelekî zêde ye.
