Îmzekaran ku di nava wan de nêzîkî hezar 100 profesor hene bang li zanîngehên Belçîkayê kirin ku dawî li hevkariya bi sazî û şîrketên Îsraîlê re bînin.
Di nameyê de hat diyarkirin ku di meha Nîsanê de dayîna doktorayên rûmetê ya ji bo akademîsyen Noura Erakat û Raportora Taybet a Neteweyên Yekbûyî ya li Filistînê Francesca Albanese ya ku bi xebata xwe ya li ser mafên Filistînê tê nasîn, girêdana zanîngehan a bi hiqûqa navneteweyî û mafên mirovan nîşan da.
Îmzekaran destnîşan kirin ku rewşa li Filistînê her ku diçe xirabtir dibe û hewldanên leşkerî yên Îsraîlê hatin rexnekirin.
Di nameyê hat xwestin ku hemû hevkariyên akademîk ên bi Îsraîlê re tên meşandin û her wiha divê peymanên bi şîrketên wekî Dell, Teva û Microsoftê re bên rawestandin.
Her wiha di nameyê de daxwaza rawestandina tavilê ya hevkariyên nû hat kirin û ji rêveberiyên zanîngehan hat xwestin ku ji bo hikûmeta Belçîkayê li gorî qanûnên navneteweyî tevdigere têkevin nava liv û tevgerê.
Îmzekaran anîn ziman ku divê zanîngehên li Belçîkayê bi awayekî çalak piştgiriyê bidin ji nû ve avakirina saziyên lêkolînê û pewerdehiya Filistînê.
Nameya vekirî bi banga li seranserê Ewropayê helwesteke akademîk a hevpar bê pêşxistin bi dawî bû.
