Şehîdên Azadiyê yên Kurdistanê li bajarê Den Haag ê Hollandayê hatin bîranîn. Di çalakiyê de ku nûnerên saziyên cuda tevlî bûn, hate ragihandin ku divê xwedîderketin li mîrateya şehîdan çêbibe û têkoşîna azadiyê bê dewamkirin.
Bîranînê bi xwendina sirûda “Ey Reqîb” destpê kir. Piştre cangoriyên têkoşîna azadiyê hatin bîranîn û li ser mijarê bi navê saziyên cuda axaftin hate kirin.
Destpêkê bi navê KOMAW’ê Xoşnav Ata axivî. Ata anî ziman ku di têkoşîna azadiyê ya gelê Kurd de şehîdan berdêlên giran dan û bal kişand ser nirxên ku bi têkoşîna şehîdan hatin afirandin. Ata ragihand ku mîrateya şehîdan gihîştiye bi milyonan imrovî û got, divê ev têkoşîn neyê jibîrkirin.
Bi navê malbatên şehîdan jî Kadrî Narîn axivî û şehîd bi hurmet bi bîr anî. Narîn diyar kir ku têkoşîna şehîdan wê ji aliyê nifşên nû ve bê dewamkirin.
Ji PYD’ê Arşem Ehmed jî li gel bîranîna şehîdan, bal kişand ser mîrateya şehîdan û gelê Kurd û got, wê li ser şopa wan bimeşin.
Bi navê malbatên şehîdan Ahmet Kaya bi bîr xist ku gelek şehîd bi çekên kîmyewî hatin qetilkirin û bang li raya giştî ya navneteweyî kir ku di vê mijarê de bi berpirsyariyê rabe.
Bîranîna şehîdan bi peyamên ji bo têkoşîna azadiyê ya gelê Kurd bi dawî bû.
