Girtiyê bi navê Sedat Avşar ê ku 30 sal in girtî ma, ji Girtîgeha Girtî ya Tîpa H a Dîlokê serbest hat berdan.
Avşar ji hêla malbat, xizm, rêveberên Rêxistinên Partiya Wekhevî û Demokrasiyê ya Gelan (DEM Partî) û Partiya Herêmên Demokratîk (DBP) Dîlokê û aktîvîstên Tevgera Jinên Azad (TJA) ve li ber girtîgehê hat pêşwazîkirin. Piştî pêşwazîkirinê Avşar ber bi bajarê xwe navçeya Bismilê ya Amedê ve bi rê ket.
Sedat Avşar di sala 1995’an de li navçeya Kuşadasi ya Aydinê hat binçavkirin û Avşar ê piştre anîn Amedê. Avşar li Dadgeha Ewlehiya Dewletê (DGM) ya Amedê hat darizandin û cezayê muebbetê lê hat birîn. Avşar li girtîgehên Amed, Çankiri, Yozgat, Sêrtê ma û herî dawî ji Girtîgeha Dîlokê serbest hat berdan.
