Girtiya nexweş Aynur Eplî ku 30 sal in girtîbû, berdana wê dihat taloqkirin, îro ji Girtîgeha Şakranê ya Îzmîrê serbest hate berdan. Aynur Eplî li ber girtîgehê ji hêla endam û rêveberên DEM Partî yên Îzmîr û navçeyên Karşiyaka, Alîaga û Komeleya Piştevaniyê ya Malbatên Girtî (EGE TUHAY-DER) ve bi kûlîlkan hate pêşwazîkirin.
Aynur Eplî li ber girtîgehê axivî û diyar kir ku ji ber girtiyên ku di girtîgehê de tên girtin ew xemgîn e û bal kişand ser pêvajo û berxwedanê.
DER BARÊ AYNUR EPLÎ DE
Aynur Eplî di sala 1995’an de li Îdirê bi sûcdariya “endamtiya rêxistinê” cezayê muebbetê lê hate birîn. Aynur Eplî 30 salan li girtîgehên Erzirom, Êlih, Sêrt, Sêwaz û herî dawî jî li Girtîgeha Girtî ya Jinan a Şakranê ya Îzmîrê ma. Aynur Eplî di girtîgehê de bi nexweşiyên giran ên weke tîmora mêjiyê re li ber xwe da. Aynur Eplî di sala 2024’an de di qada karîkatûrê ya Mafên Mirovan a Neteweyî de layiqê xelatê hate dîtin.
