Lîderê MHP’ê di komcivînê de têkildarî pêvajoyê nirxandin kir û got, ya ku cudakariyê dixe navbera Tirk-Kurd, eniya “dijmin” a hundir û jiderve ye.
Devlet Bahçelî bal kişand ser cemxaneyan jî û got, “Di cewher de em hemû misilman in.” Bahçelî ev tişt jî got, “Xwişk-birayên me yên ji baweriya Elewî, Îslamê, cemxaneyan weke îbadetxane dibînin, divê hurmet nîşanî vê yekê bê dayîn.”
Bahçelî ragihand ku xebatên “Komîsyona Piştevanî, Xwişk-Biratî û Demokrasiyê” ya li Meclîsê hatî avakirin, nêzî dawiyê bûye û ev tişt got:
“Divê em ji bêberpirsyarî û sûcdariyê dûr bisekinin. Divê bê zanîn ku her tişt ji bo Tirkiyeyê ye. Ji bilî daxuyaniyê 27’ê Sibatê ya ji Îmraliyê, ti hukmê gotin, tez, pêşniyar û nirxandinên din li gorî me nîne. Daxuyaniya 27’ê Sibatê ya rêberê damezrîner li gorî me esas e. Her kesê ku li ser vê esasê bimeşe, kesek aqil e.”
