Berdana Hasîp Avşar ê ku li Girtîgeha Tîpa T a Aksarayê dîl tê girtin, ji aliyê Desteya Çavdêrî û Îdareyê ve cara 2’yemîn ji bo 3 mehan hate taloqkirin.
Avşar ku diviyabû 30’ê Adarê bihata berdan, 25’ê Adarê ji aliyê Desteya Îdare û Çavdêriyê ve ji ber ku ferzkirina ‘poşmaniyê’ qebûl nekir, berdana wî ji bo 3 mehan hate taloqkirin. Di nirxandina 1’ê Tîrmehê de jî bi heman hincetê berdana Avşar ji bo 3 mehan hate taloqkirin. Desteya Çavdêrî û Îdareyê wê di 2’ê Cotmehê de têkildarî Avşar careke din nirxandinê bike.
parlamentera DEM Partiyê Newroz Ûysal Aslan li hemberî astengkirina berdana Avşar serî li Komîsyona Lêkolînkirina Mafên Mirovan a Meclîsê da.
