Farûk Saglam ku li Sêrtê di navbera salên 2010 û 2012’an de serokatiya bajêr ji Partiya Demokrasî û Aştiyê (BDP) re kir û endamê berê yê Meclîsa Partiyê ya Partiya Demokrasî û Wekheviyê ya Gelan (DEM Partî) bû, jiyana xwe ji dest da.
Saglam ku beriya hefteyekê li Amedê xwîn çû ser mejiyê wî û ji ber vê tedawî dibû, li gel hewldanên doktoran jî nekarî bê rizgarkirin. Wefata Saglam ê 45 salî malbat, xizm û derdora wî ya siyasî gelekî êşand.
Cenazeyê Saglam danê êvarê ji Amedê hate wergirtin û gihandin navçeya Misircê ya Sêrtê. Piştî bicihanîna wecîbeyên olî bi merasîmekê li Goristana Kotipê hate veşartin. Parlamenterên DEM Partiyê, endam û rêveberên bajarên Batma û Êlihê yên DEM Partî û DBP’ê, MEBYA DER, Meclîsa Dayikên Aştiyê û TJA jî di nav de bi hezaran kes tevlî merasîma cenaze bûn.
Serdanên sersaxiyê li Mala Sersaxiyê ya Seyît Yûsûf Yavûz wê bêne qebûlkirin.
