Şampiyoniya Konseya Boksê ya Cîhanê (WBC) 22’ê Sibata 2025’an li paytexta Erebistana Siûdî Riyadê hate lidarxistin.
Boksorê Kurd Agît Kabayel ê 32 salî û şampiyonê dawî yê cîhanê yê beşa giran a WBC’ê Zhilei Zhang ê ji Çînê hatin pêşberî hev.
Agît Kabayel di tûra 6’emîn de bi nakawtê hevrikê xwe yê ji Çînê têk bir û bû şampiyonê cîhanê.
Kabayel heta niha 26 maçên profesyonel lîstiye û qet têk neçûye.
Agît piştî maçê axivî û got: “Ez xwe gelek baş hîs dikim. Ev tekoşînek bêhempa bû. Ez spasiya xwe ji her kesê ku li piştgirî daye min dikim.”
Agît Kabayel ku li Almanyayê ji dayik bû, ji malbateke ji navçeya Bazarcix a Mereşê ye.
