Çalakiya nobetê ya li Wargeha Penaberan a Şehîd Rûstem Cûdî (Mexmûr) ku di 20’ê Tirmeha 2023’an de ji bo azadiya fîzîkî ya Rêber Apo hatiye destpêkirin, bi koma 168’an û di roja 861’an de berdewam dike.
Merasîma dewrgirtina çalakiyê nobetê li Saziya Malbatên Şehîdan a Mexmûrê, bi deqeyek rêzgirtina ji bo hemû şehîdên Tevgera Azadiya Kurdistanê hat destpêkirin.
Piştî rêzgirtinê li ser navê koma 167’an daxuyaniyek hate dayîn. Daxuyaniya ku ji aliyê ciwana bi navê Gulê Urek ve hate xwendin û wiha ye: “Em wek xwendevanên Dibistana Navîn ya Şehîd Denîz Firat, silav û hezkirinên xwe ji Rêber Apo re dişînin. Em têkoşîn û berxwedana Rêber Apo silav dikin. Rêber Apo bi paraznameyên xwe ji bo me bû ronahî. Armanca çalakiya me azadiya fîzîkî ya Rêber Apo ye. Em wek zarok û xwendevanên Rêber Apo, heta azadiya Rêberê xwe emê di çalakiyan de bin.”
Piştî axaftinê, koma 168’an a çalakiyê di bin dirûşmeyên ‘Bijî Rêber Apo’ û ‘Bê Serok Jiyan Nabe’ de çalakî dewr girt.
