Çalakiya rûniştinê ya TJA’yê ku li dijî îdîayên êşkence, destdirêjî û mirinên guman ên li Navenda Lênerîna Şîfa ya Êlihê li pêşiya Edliyeya Êlihê hat destpêkirin, di roja sêyemîn de dewam kir.
Jinên ku ji Mêrdîn û navçeyên wê hatin, Dayikên Aştiyê û nûnerên rêxistinên civaka sivîl ên cuda tevlî çalakiyê bûn. Di çalakiya ku bi çepik, tilîlî û fîtikan pêk hat de, pankarta “Em li dijî tacîz, destdirêjî û her curê tundiyê di nobetê de ne” hate vekirin.
Çalakvanan dowîzên bi nivîsên, “Em ê dev ji deşîfrekirina sûcên we bernedin”, “Em ji bo edaletê bêdeng namînin”, “Em ê rastiyên hatine nixûmandin eşkre bikin” û “Kesên astengdar ne bêxwedî ne” hatin hilgirtin.
Aktivîsta TJA’yê Rûken Zerya Işik ku di çalakiyê de axivî, diyar kir ku ew li dijî bûyerên hatin jiiyankirin ev 3 roj in di nobetê de ne û wiha got, “Li cihekî wekî Êlihê ku li Kurdistanê bi berxwedana xwe tê nasîn, di saziyên fermî de nirxên civakî hatin tune kirin.”
Hevşaredara Êlihê Yeşîl Işik jî îşaret bi rêgezên civakî yên Rêber Apo pêşkêş kiriye kir û anî ziman ku divê saziyên dewletê di çareseriya pirsgirêkên civakî de van rêgezan esas bigrin.
Endama Meclîsa Jinan a DEM Partiyê Emîne Çîftçî jî got ku ji bo nejîyankirin bûyerên bi vî rengî divê berpirs bi awayekî giran werin cezakirin.
Çalakiya rûniştinê bi dirûşmeyên “Jin, jiyan, azadî”, “Êlih neraze, xwedî li îradeya xwe derkeve”, “Heqîqet wê di tarîtiyê de nemîne” û “Bê deng nemîne” hatin berzkirin.
