Mustafa Karatepe yê ku ji ber pençeşêra kolonê di 6’ê Çileyê de ji Girtîgeha Girtî ya Tîpa F a Hejmar 2 a Sîncanê hatibû berdan, îro li nexweşxaneya ku lê dihat dermankirin jiyana xwe ji dest da. Cenazeyê Karatepe piştî bicihanîna erkên olî, li Goristana Çavûşlû ya navçeya Bismil ê Amedê hate veşartin.
Parlamentera Partiya Wekhevî û Demokrasiyê ya Gelan (DEM Partî) ya Amed Ceylan Akça û gelek siyasetmedarên DEM Partî û Partiya Herêmên Demokratîk (DBP) beşdarî merasîmê bûn.
Keça Karatepe, Dîcle Karatepe axivî û got, “Ez serbilind im ku keça wî me, ez bi tiştê ku wî kiriye û têkoşîna wî serbilind im.” Dîcle Karatepe got ku gotinên dawî yên bavê wê wiha bûn: “Xemgîn nebe, ez kêfxweş im ku min jiyana xwe di rêya têkoşîna bi dawî kir.”
Piştî merasîmê, li Mala Şînê ya Çavûşlûyê sersaxiyê tên qebûlkirin.
