Şêniyên bajarê Sirînê ya girêdayî Kobanê ji bo veşartina cenazeyê endamê Hêza Sûriya Demokratîk (QSD) Ebid Selamê (Ebid Elmûxîs Selamê) yê ku di 15’ê Çileya 2025’an de li Bendava Tişrînê şehîd bû, bi merasîmeke girseyî pakrewangeha şehîdan a Sirînê spartin axê.
Piştî deqeyek rêzgirtinê Rêveberiya Eleqatên giştî ya bajarê Sirînê Ezîz Ehmed axivî û got: “Hêza Sûriya Demokratîk ji bo tevahî Sûriyeyê li ber xwe dide. Em şehîdên xwe dispêrin axê, her şehîdek jî ji bo tevahî Sûriyê li ber xwe daye. Tu ferq di navbera Kobanê û Helebê de tune, tu ferq di navbera Berdava Sûriyê û Efrînê de tune, hemû axên Sûriyê ne. Di nava Hêza Sûriya Demokratîk de pirrengî heye û em ê bi wê pirrengiya xwe bi ser bikevin.”
Endamê Kar û Barên Civakî ya Bajarê Sirînê Mihemed Receb jî ev tişt got: “Li vir şehîdên me bi xwîna xwe destanê dinivîsîn in. Şehîdên me bi xwîna xwe destan û dîrok ji nû ve nivîsandin, wan bi destê xwe jiyaneke azad ji me re afirandin, ew şehîdên netewa Demokratîk in. Em ê jî heta dawiyê li ser vê rêyê bin û em ê heta dawiyê jî xwedî li wê destkeftiyê derkevin.”
Piştre jî wesîqa şehîd hat xwendin û radestî malbata wî hate kirin.
Cenazeyê şehîd bi berzkirina dirûşmeyan hate veşartin.
