Cenazeyê şervana Yekîneyên Parastina Jin (YPJ) Jînda Botan (Sîham Îbrahîm) ya di 25’ê Kanûna 2024’an li Qereqozaqê şehîd bûbû, li Pakrewangeha Şehîd Dîcle hat veşartin. Di merasîmê de gerîlayê Hêzên Parastina Gel (HPG) Qehreman Kobanê (Mistefa Henêfî) ku di 17’ê Hezîrana 2019’an li Zapê şehîd bûbû, hat bibîranîn.
Merasîm bi deqeyeke rêzgirtinê dest pê kir, dûre Hevseroka Desteya Jîngehê ya Kantona Firatê Almaz Romî sersaxî ji malbata şehîdan re xwest. Almaz Romî diyar kir ku piştî hilweşandina rêjîma Baasê çeteyên DAÎŞ`ê xwestin axa Rojava dagir bikin û got: “Şervanên me bi berxwedaneke bê hempa li hember çeteyên DAÎŞ`ê dan meşandin. Şervanên me bi lehengî êrîşên dagirkeriyê yên li Bendava Tişrînê û Pira Qereqozaqê têk birin. Em ê jî bi ruhê berxwedêr ên şervanên xwe li ber xwe bidin û têkoşînê mezin bikin. Em ê heta dawiyê li şopa wan bin.”
Piştî axaftinina wesîqaya şehadetê ya şehîd Jînda Botan û Qehreman Kobanê hate xwendin û radestî malbata wan hate kirin.
Di dawiya merasîmê de cenazeyê şehîd Jînda botan bi tilîlî û dirûşmeya “Şehîd namirin” hat veşartin.
