Malbatên dîlgirtiyên ku ji aliyê hikûmeta demkî ve hatine girtin, li Qada Jina Azad a bajarê Amûdê xwepêşandanek li dar xistin û daxwaz kirin ku hikûmet zarokên wan ên girtî serbest berde û şertên peymana bi Hêzên Sûriya Demokratîk QSD’ê re ku di 29’ê Çile de hatibû îmzekirin, bicîh bîne.
Malbatan pankartên bi nivîsên: “Vegera girtiyan berî her rêkeftinekê”, “Em wan sax dixwazin, em wan hemûyan di nav xwe de dixwazin”, “Paşxistin xiyanet e û bê rumetî ye” hildan.
Malbatan diyar kirin ku berdewamiya girtina zarokên wan binpêkirina mafên mirovan e û êşa wan zêde dike, her wiha bang li hikûmeta demkî kirin ku şertên peymanê bi QSD’ê re bicîh bîne û bi lez û bez bersiva daxwazên wan bide û zarokên wan serbest berde.
