Xelkê Qamişloyê yê kantona Cizîrê cenazeyê şervanê Hêzên Sûriya Demokratîk (QSD) şehîd Egîd Têkoşer (Silêman Silêman) li Pakrewangeha Şehîd Delîl Saroxan bi merasîmeke heybet veşartin.
Egîd Tekoşer di 3ˊyê Tîmera 2025ˊan de di encama qezaya trafîkê de li bajarê Şedadê yê Hesekê şehîd bû.
Di merasîmê de bi sedan xelkê bajêr, nûnerên ji saziyên leşkerî amade bûn.
Mûdîrê Çavdêriyê yê Wezareta Parastinê Ednan Silêman sersaxî da malbata şehîd û got: “Şehîd namirin, di bîranîna welat û wijdana gel de ne û şehîd mînaka lehengî û dîsplînê bû. Fedakariya wî û hevrêyên wî wê bibin Egîd Têkoşer bingeha avakirina siberojeke azad û demokratîk ji bo tevahî gelan.”
Piştre endamê Meclisa Leşkerî ya Qamişloyê Nesîr Sofî axivî û diyar kir ku ew bejna xwe li hember tevahî şehîdan di oxira azadî û rûmetê de şehîd bûne, ditewînin.
Rêveberê Kongreya Îslama Demokratîk Silêman Ehmed Elî got: “Ev xaka em li ser sekinîne, xaka serbilindî û serfiraziyê ye, xaka Rojava ye ku fedakariyên 20 hezar şehîdan hembêz kiriye.”
Di dawiyê de wesîqeya şehîd hatin xwendin û radestî malbatê hate kirin û cenazeyê şehîd bi tilîliyên dayikan hate veşartin.
