Fîlozof Ceruti peyamek ji Partiya Demokrasî û Wekheviyê ya Gelan (DEM Partî) re şand û piştgirî Banga Aştî û Civaka Demokratîk ku di 27’ê Sibatê de hate kirin.
Peyama Ceruti bi vî rengî ye:
“Ez piştgiriyeke tam didim siyasetmedarên Kurd ku ji bo meşandina pêvajoya aştiyê, diyalog, demokrasî û jiyana bi hev re ya li Tirkiyeyê bi wêrekî û biryardarî hewl didin. Aştî bi têgihiştineke paşeroja hevpar a li ser bingeha berpirsyariyê, naskirina hev û qebûlkirina cihêrengiyê bi rengê dewlemendiya civakê, dikare bê avakirin. Piştgiriyê didim her kesên ku ji bo vê dixebitin.
Li cîhanekê ku ber bi neteweperestî û emperyalîzmeke nû ve diçe, ji ber vê jî her gavê parçe dibe û dibe cihê bêbaweriyê; di atmosfereke welê de ku rîska şerê leşkerî û terorîzmê zêde bûye, diyaloga aştiyê ya navbera Kurdan û hikumeta Tirkiyeyê, gava ku bi vê armancê tê avêtin rêyeke şênber a hêviyê vedike. Mafê diyarkirina çarenûsa xwe ya gelên cuda; di nava çarçoveya dewleteke ji yekîtî û cihêrengiyê, ji hevgirtina pirregnî û serweriya neteweyî û xurtkirina hev, di çarçoveya dewleteke ‘ji neteweyan wêdetir’, pir netewe û kozmopolît dikare bê parastin. Bi vî rengî mirov dikarin derkevin derveyî sînor û paradîgmaya homojeniya olî û etnîkî yên ku ‘pîroz’ hatine dîtin. Ev hewldana nû li Rojhilata Navîn dikare bibe mînakeke erênî û di demekê de ku mirovahî bi dibetiyeke hilweşîna xwe bi xwe re rû bi rû ye, ji bo ‘başiya hevpar’ a erdnîgariyê ku mala me ya hevpar e, bi rastî jî dikare bibe pêşengê civakeke navneteweyî ya ji dewletan.”
