Çavkaniyên xwecihî yên ji bajarê Efrînê yê dagirkirî da zanîn ku qaşo “Nivîsgeha Rêveberiya Aborî” ya girêdayî çeteyên dewleta Tirk a dagirker bi mûma sor dest bi damxakirina dikanên pîşesaziyê kir. Ev gav jî weke amadekariya ji bo destdanîna ser dikanan e.
Çavkaniyan diyar kir ku xwediyên dikanan bi awayekî aştiyane li hemberî vê biryarê çalakiyeke protestoyî li pêş qaşo “Nivîsgeha Rêveberiya Aborî” li dar xistin. Çalakvanan destnîşankirin ku ev biryar beşek ji siyasetên destdanîna ser milkên şêniyan û koçberkirina wan e û di çarçoveya siyaseta sîstematîk a bi armanca kontrolkirina milkên wan û mehrûmkirina wan ji çavkaniya wan a dabarê ye.
Heman çavkaniyan diyar kir ku ev sûc ne yê yekemîn e; çeteyên dewleta Tirk a dagirker bi zorê pereyên welatiyan distînin, mal û milkên wan û çandiniya wan desteser dikin.
Hemwextî van sûcên deryasayî, sûcên dizîna berhemên çandiniyê bi taybetî dizîna zeytûnan dewam dikin. Çeteyan zeytûnên zêdetirî 900 daran li bajarokê Bilbilê û deverên din ên Efrînê dizîn.
Şêniyên Efrînê banga lezgîn li aliyên navneteweyî û rêxistinên hiqûqî kir ku van binpêkirinên li dijî wan û çavkaniya wan a dabarê rawestînin.
