17’ê Hezîrana 2023’yan li navçeya Tetwan a Bedlîsê parêzvanê polîs Engîn Kaplan ku di heman demê de xizmê Serokê Şaredariya Tetwanê Mehmet Emîn Geylanî ye û parêzvanê sporvanê boksê Yucel Baysal êrîşî Serokê Cemiyeta Rojnamevanan a Bedlîsê Sînan Aygul kiribûn. Bi îdîaya ku Sînan Aygul piştî êrîşê heqaret li Yucel Baysalê êrîşkar kiriye, doz derbarê Aygul de hatibû vekirin.
Di Dadgeha Cezayê Asliye ya 1’emîn a Tetwanê de doz hat dîtin û 2 meh û 5 roj cezayê girtîgehê li rojnamevan Aygul hate birîn.
Rojnamevan Aygul got ku ew beriya êrîkaran cezayê distîne û got: “Ji ber ku min berjwendiyên gel û civakê parast, êrîşî min kirin. Ez ne mirim, ji ber ku ez ji mirinê vegeriyam ez ê bikevim girtîgehê.”
Li aliyê din rûniştina duyemîn a dozê ku êrîşkar bêyî girtin lê tên darizandin, wê 25’ê Çileyê di saet 15.00’an de li Dadgeha Cezayê Asliye ya 2’yemîn a Tetwanê bê dîtin.
