Di çarçoveya 8’ê Adarê Roja Jinan a Cîhanê de Meclîsa Jinan a Partiya Herêmên Demokratîk (DBP) li Mûşê hevdîtina jinan pêk hat. Hevseroka Giştî ya DBP’ê Çîgdem Kiliçgun Uçar tevlî hevdîtina li taxa Yeşîlyurt a Mûşê bû. Di hevdîtinê de bi jinan re atolye hat kirin û li ser têkoşîna jinên Kurd a di 8’ê Adarê de hat sekinandin.
Hevşaredara Kopê Aryan Dogan di hevdîtinê de axivî û da zanîn ku wê deng û berxwedana xwe bilind bikin. Berdevka Meclîsa Jinan a DBP’ê Berîvan Bahçecî jî axivî û got her jin li qadan dimîne têkoşînek mezin dide.
Piştre Çîgdem Kiliçgun Uçar axivî û da zanîn ku li hemû cîhanê newekheviyek mezin heye û herî zêde jî jin bi vê newekheviyê re rû bi rû tên. Çîgdem Kiliçgun Uçar di berdewamiyê de anî ziman ku hemû cîhan dirûşmeya ‘Jin, Jiyan, Azadî’ dizanin û wiha dawî li axaftina xwe anî: “Her roj qirkirina jinan tê jiyîn. Berê digotin cînayetên namûsê. Serê wê cînayetê digirtin û jin sûcdar nîşan didin. Jin jiyaneke azad û wekhev dixwazin. 27’ê Sibatê sala xwe tije dike. Rêberê Gelê Kurd plana pêşerojê pêşkêş kir. Banga Ocalan ne tenê ji bo partiya wî ji bo dewletê bû jî. Dema Birêz Ocalan ev bang kir herî zêde bi jinan bawer kir. Em jin bêyî ku dev ji nasname û nirxên xwe berdin civakê demokratîk bikin.”
