Ciwanên ku li Amarayê temaşeyî banga dîrokî ya bi dîmen kirin, anîn ziman ku ew ê guh bidin banga Rêber Apo ya ji bo ‘xwe rêxistinkirinê’ û têkoşîn wê bidome.
Yek ji jinên ciwan wiha got: “Ji bo me bû kelecan û moral. Êdî em tenê ne bi dîmen, bi zindî dixwazin Rêber Apo bibînin, em dixwazin azadiya wî ya fîzîkî pêk were. Ji bo azadiya fîzîkî ya Rêber Apo ciwan divê li her qadê têbikoşin, xwe rêxistin bikin. Divê hemû ciwan xwedî li vê pêvajoyê derkevin, rol û misyona xwe ya pêşeng bilîzin.”
Ciwanek din jî ev tişt anî ziman: “Piştî 26 salan me vîdeoyeke Rêber Apo ya bi dîmen û deng dît. Bû hêvî. Lê ev êdî têrê nake. Divê tecrîda li ser Rêber Apo rabe û bi gelê xwe re were ba hev. Em êdî dixwazin Rêber Apo bibînin.”
Ciwanek din jî ev tişt bilêv kir: “Piştî 26 salan dîmenê Rêber Apo em pir bi hestiyar kirin. Banga Rêber Apo ji bo me pir bi qîmet e. Em ê banga Rêber Apo esas bigirin û li ser vî bingehî xwe rêxistin bikin.
Berê di Meşa Amarayê ya 4’ê Nîsanê de peyamek ji me re şandibû: Rêxistin bikin, xwe rêxistin bikin. Yê xwe rêxistin neke jî, giran rexne kiribû. Em jî ji bo ji vê bangê re bibin bersiv, tax bi tax, derî bi derî ji bo ragihandina bangê dixebitin.”
