Serokwezîrê Îsraîlê Binyamin Netanyahu di daxuaniyeke xwe ya roja Pêncşemê de diyar kir ku ev hêvî dike ku di nava çend rojan de li gel Hamasê agirbestê îmze bike û da zanîn ku wêji niviya dîlgirtiyên sax û niviya dîlgirtiyên jiyana xwe ji dest dane ji Xezeyê werin berdan.
‘JI SEDÎ 50’YÊ DÎLGIRTIYAN MAYE Û JI SEDÎ 20’Ê WAN TEQEZ SAX IN’
Netanyahu li gorî nirxandinên dawîn anî ziman ku li Xezeyê ji sedî 50’yê dîlgirtiyan maye, ji sedî 20’ê wan ‘’teqez sax in’’ û ji sedî 30’ê wan jî jiyana xwe ji dest dane.
Li gorî Netanyahu li gorî lihevkirina a niha wê 10 dîlgirtiyên sax û 12 cenaze werin dayîn.
Netanyahu diyar kir ku dibe ku lihevkirin agirbesteke mayîn de jî di nava xwe de bihewîne.
AGIRBESTA 60 ROJÎ Û MUZAKERE BIŞERT
Netanyahu got: ‘’Ihtîmaleke mezin wê agirbesteke 60 rojî were îmzekirin. Em ê koma yekem a leşkeran derxînin û piştre jî di van 60 rojan de ji bo bidawîbûna vê rewşê hewl bidin hevdîtinan pêk bînin.’’
Netanyahu roja Pêncşemê de di vîdeoyekê de got: ‘’Di destpêka vê agirbestê de em ê ji bo ku şer bi awayekî teqez bi dawî bine dest bi hevdîtinan bikin’’ û çend şertên weke: ‘’Divê Hamas çekan deyne, Xeze were bêçekkirin û divê kapasîte û rêveberiya Hamasê ji holê rabe’’ diyar kirin.
Her wiha Netanyahu got: ‘’Ger ev bi rêya hevdîtinan pêk were wêpir baş be. Ger pêk neyê jî em ê bi artêşa xwe ya leheng serî li rêyên din bidin.’’
Her wiha Rêvberiya Parastina Sîvîlan a Xezeyê ragihand ku di bomberdûmanên roja Pêncşemê de li seranserê welêt herî kêm 66 welatiyan jiyana xwe ji dest dane.
NY’Ê PIŞTÎ 130 ROJAN SOTEMENÎ XIST XEZEYÊ
Roja Çarşemê Neteweyên Yekbûyî (NY) nêzîkî 75.000 lître sotemenî xist Şerîda Xezeyê. Berdevkê sekreterê giştî roja Pêncşemê diyar kir ku piştî 130 rojan ev yek pêk hat û da zanîn ku ev yek bi têra hewceyiya heyî nake.
