Ciwanek bi navê Egîd ji gundewarê Efrînê ye, vê sibehê dema ji Reqayê diçû Qamişloyê li ser benda kontrola Hemrat a Reqayê hat girtin.
Çavkaniyên xwecin diyar kir ku hêzên li bendeke kontrolê Egîd bi tawana ku şervanekî QSD‘ê ye ji erebeyê daxistin û li pêşiya çavên rêwîtiyan lê dan, piştre wî birin navendê da ku lêpirsînê temam bikin.
Li gorî çavkaniyan, Egîd ji bajarê Helebê diçû Efrînê da ku di xwaringehekê de bixebite û debara malbata xwe bike û dane zanîn ku Egîd heya niha girtî ye.
Çavkaniyan bi bîr xistin ku di 2 hefteyên borî de bi dehan ciwanên Kurd li ser heman bendî hatin girtin.
