Serokwekîla Koma Partiya Wekhevî û Demokrasiyê ya Gelan (DEM Parti) Gulistan Kiliç Koçyigitê li meclisê daxuyaniya çapemeniyê da û derbarê xespa qeyûman û polîtîkayên zextê de axivî.
Gulistan Kiliç Koçyigitê ji bo xespa qeyûman got ‘darbeya sivîl’ û wiha dewam kir: “AKP hewl dide hemû şaredariyên deverên ku ji aliyê gelê wê ve nehatiye qebûlkirin bidize. Navê vê dizî ye. Desteserkirina îradeya gel e. Zordestî ye.”
AKP DIXWAZE TALAN BIKE
Gulistan Kiliç Koçyigitê diyar kir ku ji bo qeyûman tayîn bikin pêvajoya darizandinê dilezînin û ji ber xwe ve sûcan çêdikin û wiha domand: “AKP dixwaze talan bike. AKP dixwaze alîgirên xwe têr bike. AKP dixwaze nava şaredariyên me vala bike. AKP bi dixwaze bi siyaseta qeyûman li ser pêyan bimîne.”
DADGERÊN XULAMTIYÊ DIKIN BILA DI AKP’YÊ DE SIYASETÊ BIKIN
Gulistan Kiliç Koçyigitê dupat kir ku ev mesleyeke siyasî ye û got: “Gelek diyar û zelal e. Darizandin bûye darê destê wan. Mixabin nava darazê hatiye valakirin, li vî welatî edalet serûbin bûye. Em dixwazin ji vir bangî hemû dozger û hiqûqnasên di bin emrê AKP’ê de dixebitin dikin û dibêjin cibeyên xwe derxin. Madem hûn ewqas amadeyê fermanên AKP’ê ne, werin di AKP’ê de siyasetê bikin. Heger we ew curet û cesaret hebe wan cibeyên dadgeriyê derxin û werin li hember me bibin namzet.”
ÇIMA HDK’ê DIKIN HEDEF?
Gulistan Kiliç Koçyigitê diyar kir ku tayînkirina qeyûm ji bo Şaredariya Qaxizmanê darbeya li dijî îradeya gelê Qaxizmanê ye. Koçyigot herî dawî derbarê operasyonên li dijî HDK’ê de axivî:
“Krîmînalîzekirina HDK’ê, nîşandana HDK’ê wekî avaniyeke derqanûnî rewşa xirab a AKP’ê nîşan dide. HDK dîsa kirin hedef. Çinku HDK navê hevkariya stratejîk e ku di navbera Tevgera Siyasş ya Kurd, Tevgera Şoreşger a Tirkiyeyê, demokrat û sosyalîstan de pêk hatiye. Ew ji bo nîşandana îmkana jiyaneke nû hatiyr avakirin û ew fikriyat bi xwe ye ku bi rêxistin dike, li ser navê civak, jin, gel û baweriyan diaxive. HDK ne ku rêxistineke derqanûnî bû, ji ber ku zêdetir qesta civakê û komara demokratîk dikir hat hedefgirtin.”
