Li gorî raporê, tevahiya mehê 5 rojnamevan hatin binçavkirin, 3 jê hatin girtin. Hate ragihandin ku di 43 dozan de bi giştî 78 rojnamevan hatin darizandin û li 4 rojnamevanan cezayê girtîgehê û pere hate birîn.
Di raporê de hate gotin, di dema bûyerên 1’ê Gulanê û bûyerên din ên civakî de karê rojnamevanan ê ji bo şopandina bûyeran hatiye astengkirin û herî kêm li 6 rojnamevanan nêzîkatî û kiryarên xerab hatiye kirin.
Haet ragihandin ku pênc rojnamevanên ku hempîşeyên xwe yên hatin qetilkirin bi bîr anîn, ketin ber lêpirsînê.
Li gorî raporê meha Gulanê 3 malperên înternetê hatin girtin, 12 nûçe û 465 naverokên medya dîjîtal hatin astengkirin.
DFG’ê diyar kir ku di halê hazir de 31 rojnamevan girtî ne û destnîşan kir ku bi piştevanî û têkoşîna hevpar wê azadiya çapemeniyê biparêzin.
