Navenda Ragihandê ya QSD`ê daxuyand ku duh bi şev, hin çekdaran ji aliyê çemê Firatê yê di bin kontrola hikûmeta demkî de li gundê Hiwêca El Fihêmat yê herêma Bisêra ya li rojhilatê Dêrazorê êrîş bir ser komeke sivîlan.
Li gorî daxuyaniyê di encama êrîşê de Umer Ebdilmensûr El Ilêwî (30), Hemada Hemad El Hetab (30), Adem Ebdilmensûr El Ilêwî (12) û Xalid Elhemed (24) birîndar bûn.
QSD`ê da zanîn ku kiryarên çekdarên hikumeta demkî jiyana sivîlan dixin metirsiyê. QSD’ê destnîşan kir ku hikumeta demkî berpirsyarê van binpêkirinan e û jê xwest ku rê li ber van kiryaran bigire û aramî û ewlehiya herêmê xirab neke.
