Ji sala 2008’an dema rizgarbûna Kosovayê û vir ve Parlamentê yekemcar serdemeke ji çar salan temam kir.
Hilbijêran di navbera 600 namzet û 27 komên siyasî de hilbijartin kir. Ji 120 kursiyên li parlamentê 20 kursî ji hindekahiyan, 10 kursî jî ji hindikahiya Sirp re têne veqetandin.
Hilbijartinên ku roja Yekşemê hatin kirin, ji bo polîtîkaya hişk a Serokwezîr a li hemberî Sirbistanê weke testekê dihate dîtin.
Li gorî encamên destpêkê partiya Serokwezîr Albin Kurti di hilbijartinê de bi ser ket, lê belê nekarî piraniya wekîlan bi dest bixe ku bi tena serê xwe bibe desthilatdar.
Li gorî encamên ne fermî partiya Vetëvendosje (VV-Tayînkirina Çarenûsa Xwe) ya Kurti ji sedî 41.99 ê dan wergirt, lê belê nekarî bi tena serê xwe bibe desthilatdar.
Partiya Demokratîk a Kosovayê (PDK) ku lîderê wê li Dadgeha Ceza ya Navneteweyî bi sûcê şer tê tewambarkirin ji sedî 22.68 ê dengan wergirt.
Yekîtiya Demokratîk a Kosovayê (LDK) jî ji sedî 17.9 ê dengan bi dest xist.
