Li gorî rapora rêxistinê di sala 2024’an de li herêmên şer 11.967 zarok mirin ango birîndar bûne. Li gorî Neteweyên Yekbûyî jî 4.676 ji van zarokan jiyana xwe ji dest dane.
Rapor, nîşan dide ku li gorî sala 2020’an mirina zarokan ji sedî 42 zêdetir bûye. Ji sedî 70 mirin û birîndarbûna zarokan ji ber bombe, teqemenî û çekên bombeyî pêk hatine.
RÊZIKÊN ŞER HILDIWEŞE: ÊDÎ ZAROK DI HEDEFA BOMBEYAN DE NE
Save the Childrenê, da zanîn ku di salên bihurî de zarok li herêmên şer ji ber kêmxwarin, nexweşî û nebûna xizmeta tenduristiyê jiyana xwe ji dest didan. Lê di van salên dawî de piştî şer derbasî nava bajaran bûye, dibistan, mal û nexweşxane bêyî navber tên bombekirin. Xeze, Ukrayna û Sûdan deverên ku windahiyên herî giran lê çêbûne bûn.
Sernivîskara raporê Narmina Strishenets, destnîşan dike ku hiqûqên şer hilweşiyaye û got ku rasterast zarok dibin hedef.
Save the Children, banga rawestandina bikaranîna teqemeniyan li deverên niştecihbûnê dike. Her wiha diyar dike ku divê zarok bi rengekî xurtir bên parastin.
ŞERÊ HERÎ GIRAN
Herêmên ku di sala 2024’an de herî zêde qurbaniyên zarokan lê çêbûne bi vî rengî ne: Xeze, Sûdan, Myanmar, Ukrayna û Sûriyeyê ye.
Li gorî Hamasê, hejmara zarokên ku tenê li Xezeyê di navbera Cotmeha 2023 û Îlona 2025’an de hatine kuştin 20 hezar derbas bûye.
