Komên hikumeta veguhêz 5 rêyên taxên Şêxmeqsûd û Eşrefiyê yên Helebê ku bi taxên din ên bajêr ve girê didin li pêş tevgera erebeyan girtine, tenê rêya Çerxerêya Şîhan û rêya Ewarid ji bo erebeyan vekirine.
Li kêlek wê jî şênî tenê di rêyên Talit Eşrefiyê, Cizîrê, Parka Eşrefiyê û 2 rêyên navborî re diçin û tên.
Rêya Çerxerêya Lêremon û Çerxerêya Cendol li pêş şêniyan bi temamî girtî ne, ew jî bandoreke neyênî li tevahî aborî ya her du taxan dike.
Hate ragihandin ku tevgera komên hikumeta li ser benda Cizîrê şopandiye ku ew nahêlin erebeyên welatiyan derbas bibin.
Hejmarek ji çavkaniyan destnîşan kir ku komên hikûmetê yên li ser bendên kontrolê yên li derdora Şêxmeqsûd û Eşrefiyê astengiyan li pêş şêniyan çêdikin, tiştên bi wan re kontrol dikin û li nasnameyên wan dinêrin.
Di 22ˊyê Kanûna 2025ˊan de komên girêdayî hêzên hikumeta veguhêz a Sûriyeyê bi tank û topan êrişî taxên Şêxmeqsûd û Eşrefiyê kir, bi wê re jina bi navê Fedwa Mihemed El Kurdî (57) şehîd bû, 19 kes jî birîndar bûn.
