Ruhê fedaî ku salên dûr û dirêj bênasname hate hiştin, ji dîrok û çanda xwe bêpar hate hiştin bi felsefeya Rêber Apo ji nû ve geş bû. Dilên xwe fedaî azadiyê kirin, careke din mohra xwe li dîrokê xistin û mîrateya fedaîtiyê gihandin paşerojê. Di nava lêgerîneke bêdawî ya azadiyê de, di nava heqîqetê de xwe heland û rastiya gelekî nûbûyî afirand. Yên ku li refên herî pêş ên vî gelî dimeşin jî gerîlayên azadiyê ne. Wêrekî û pêşengiya li nava têkoşînê ya jinên Kurd, di nava Têkoşîna Azadiyê de veguherî sembolekê û ji tevahiya cîhanê re bû mînak. Têkoşîna Gerîlayên Azadiyê yên Kurdistanê bi taybetî bi pêşengiya gerîlayên YJA Starê her mezin dibe. Di şexsê Delal û Zîlan de ruhê fedaî yê jinên Kurd bi wate bû û mezin bû. Ew ne tenê navek bûn, di heman demê de pêşeng, şervanên azadiyê û nûnerên ruhê fedaî bûn.
Evîna wan a ji bo welêt li dil û mejiyê wan neqişî bû. Dilxwaziya wan a ji bo azadiyê kir ku hîn bêhtir xwe li têkoşînê bigirin. Yên ku dan ser şopa Zîlan û Delal, ji bo têkoşîna wan dewam bikin di her kêliyê de bi heman biryardariyê li ber xwe dan. Her çalakiya ku ew tevlî bûn, her têkoşîna ku meşandin bû destan. Wan hemû astengiyên li ser rêya azadiyê ji pêşiya xwe rakirin, sînorên ku sîstemê li wan ferz dikirin parçe kirin û pêşengî ji berxwedanê re kirin. Bêyî ku bikevin nava şik û gumanan, li gel her şert û mercên giran dîtin ku azadî rêya yekane ya rasteqîn e û bêyî astengiyan nas bikin rêwîtiya xwe dewam kirin. Bi wêrekî û hişmendiya xwe di rêya azadiyê de meşiyan. Evîn û hêviya xwe ya ji bo serketinê di dilê xwe de timî zindî hiştin. Ji ber vê yekê di meşa azadiyê de weke Edûlê û Derwêş şopa lehengên destanî hilgirtin. Bûn mîrateyeke dîrokî ya têkoşîna wan. Bi vê hişmendiyê her tim di ronahiya heqîqetê de hebûna xwe afirandin.
NASNAMEYA JIN A AZAD TEMSÎL KIRIN
Zîlan û Delal du pêşengên hevrêtiya rasteqîn û ruhê tevgera azadiyê bûn. Wan mîrateya Ronahî û Bêrîvan, Rûken û Sara ji nû ve geş kirin. Bi pratîka xwe nîşan dan ku di têkoşîna azadiyê de jin çawa dikarin hêzê bidin hev û bûn nîşaneya nasnameya jin a azad. Li hemberî mejiyê qirker û dagirker bawerî û dilxwaziya xwe ya têkoşînê mezin kirin. Di kêliyên herî zehmet ên têkoşînê de ne tirsiyan ne jî li ber lîstikên dijmin serî tewandin. Delal û Zîlan ne tenê şervan bûn, di heman demê de nasnameya jinê ya azad temsîl kirin. Dijmin ji bo tepisandina tevgera azadiyê her cûre teslîmiyet û xiyanet weke taktîkeke şer bi kar anî. Lê belê milîtanên Tevgera Azadiyê ti carî teslîmiyet û xiyanet qebûl nekirin. Çanda berxwedanê ti carî di ruhê xwe de winda nekirin û di şexsê Delal û Zîlan de gihandin asta herî bilind.
Di 24’ê Çileya 2025’an de di dema operasyoneke li herêma Heftanînê de ev herdu jinên wêrek ji bo bi saxî nekevin destê dijmin bombeyên xwe bi xwe ve teqandin û ji bo têkoşîna azadiyê canê xwe feda kirin. Di rêya azadiyê de bûn destana berxwedanê. Dîrok wan bi destanên lehengiyê bi ruhê fedaî dinivîsîne. Van herdu şervanên leheng ji bo azadiya gel û welatê xwe canê xwe feda kirin. Wan jî zanîbûn eger siberojên azad nebînin jî wê li xaka Kurdistanê bibin efsane û ti carî neyên jibîrkirin.
