Qenala televîzyonê ya Hûsiyan El Mesîre ragihand ku êrîş ji bo birîna çavkaniya sotemeniyê hatiye kirin û di encamê de herî kêm 38 kes hatin kuştin û 102 kes jî birîndar bûn.
Fermandariya Navendî ya DYE’yê (CENTCOM) li ser tora medya dîjîtal X’ê daxuyaniyek da û got, “Armanca van êrîşan têkbirina çavkaniya hêza aborî ya Hûsiyan e ku welatiyan talan dike û êşê dide kişandin.”
DYE ya bi serkêşiya Donald Trump meha derbasbûyî hema bibêje her roj bombe li çeperên Hûsiyan ên li Yemenê barand. Hate ragihandin ku bendergeha petrolê ya mezin a Hûsiyan roja pêncşemê ‘hate îmhakirin’.
Berdevka Wezareta Karên Derve ya DYE’yê Tammy Bruce anî ziman ku DYE hewl dide li pêşiya Hûsiyan bibe asteng ku li Derya Sor êrîşî keştiyan nekin.
