Platforma Jin Bi Hev Re Bi Hêzin a Antakyayê têkildarî êrîşa li hemberî malbata Kurd ku di 13’ê Tîrmehê de dema ji navçeya Bayrampaşa ya Stenbolê ji seyranê vedigeriya, bi hinceta muzîka Kurdî guhdar dike êrîş lê hatibû kirin, bi daxuyaniyekê şermezar kirin. Jin li ber Dibistana Amadeyî ya Necmî Asfuroglû ya Anadoluyê hatin hatin ba hev.
Daxuyanî ji aliyê Nîlgun Aşkar ve hate xwendin. Nîlgun Aşkar êrîşa li ser malbatê şermezar kir û got: “Em bi hêrs in, em ê qebûl nekin! Em jin, li dijî êrîş û êşkenceya nijadperest a ku polîsan li Stenbolê li dijî malbateke Kurd kirin, bêdeng namînin. Yên ku êşkence li jineke ducanî kirin û mafê jiyanê ya pitikê xesp kirin, divê werin darizandin! Em ji bo jinan û hemû gelan jiyaneke aştiyane, wekhev û azad dixwazin. Guhdarkirina muzîka Kurdî ne, lê êşkence sûc e. Her êrîşa li ser jinê, ne tenê kesî ye, sîstematîk û polîtîk e. Em dengê xwe bilind dikin û têdikoşin.”
