Komên çete yê Emşat, Hemzat, Nûredîn Zenkî û Sûltan Mûrad ên ku dewleta Tirk a dagirker piştevaniya wan dike û di nava hikumeta veguhêz a Şamê de ne, di roja sêyemîn de êrişên giran li ser taxên Şêxmeqsûd, Eşrefiye û Benî Zêd dewam dikin.
Di encama êrişa komên çete de ku bi topbaran û tankên li derdora taxan hatine bicihkirin, heta niha 8 sivîl hatin qetilkirin ku 2 ji wan zarok bûn. Her wiha 57 kes jî birîndar bûn.
Komên çete vê sibehê jî bi eçkên giran êrişeke nû bi ser Şêxmeqsûd û Eşrefiyê dan destpêkirin û hewl dan bikevin nava taxan. Lê belê li berxwedana şêniyên taxan û hêzên ewlekariya hundirîn rast hatin.
Di encama berxwedanê de êriş bi temamî hate şikandin û 4 wesayitên çeteyan ên çek li ser bûn hatin îmhakirin. Hate ragihandin ku gelek çete hatin kuştin û gelek jî birîndar bûn.
Êriş dewam dikin.
