Partiya Îslamî ya Kurdistanê (PÎK) têkildarî êrişên komên çete yên ser bi hikumeta veguhêz a Şamê yên li ser taxên Şêxmeqsûd û Eşrefiyê yên Helebê daxuyaniyek da.
Di daxuyaniyê de hate gotin, “Gelê Kurd û şervanên azadiyê, bi berxwedanekê qehremanî ne tenê Rojava, her wiha komên cuda yên etnîk û baweriyên Sûriyeyê jî parastine; bi dayîna bi hezaran şehîdan li hember çeteyên DAIŞ’ê û hêzên OSO’yê gelên bindest parastine.
Di heman demê de bûne hêza herî pêşeng a ku welatên cîhanê ji terora DAIŞ’ê parastiye.
Armanca Tirkiyê jî ew e ku destketiyên jiyana mirovane yên Kurdan li Rojava tune bike û polîtîkayên înkar û asîmîlasyonê yên rejîma Esed a kevn di serdema nû de jî bidomîne.
Di van şertan de gelê Kurd, li ku derê be jî, bi hişmendiyekê neteweyî divê li hember dewleta çeteyan a Sûriyê, QSD û destketiyên Rojava biparêze. Ev ji bo hemûyan ferzekiye.
Ji aliyê din ve Dewletên Yekbûyî yên Amerîkayê, welatên Ewropayê û hemû dewletên cîhanê divê li hember HTŞ û çeteyên di bin kontrola Tirkiyê de helwestekê zelal nîşan bidin.
Neteweyên Yekbûyî jî divê berpirsiyariya xwe ya li hember êrişên li ser gelê Kurd ê bindest bicîh bîne û bi lez mudaxeleyê bike.
Ey gelê Kurd! Li hember êrişên dewleta çeteyan a Sûriyê li her derê bi ruhê neteweyî em xwedî li destketiyên gelê xwe yê li Rojava derkevin. Ev têkoşîn pêwîstiya hebûn û rûmeta me ye!”
