Merasîma bîranînê ji aliyê Şaredariya Bajarê Mezin a Amedê, Ma Music, Komeleya Çand û Hunerê ya Dîcleyê, Komeleya Çand-Huner û Wêjeyê ya Jinan (KASED) û Konservatuvara Aram Tîgran ve hat organîzekirin.
Di merasîma bîranînê ya ku li Goristana Yenîkoyê ya navçeya Rezan a Amedê hat lidar xistin de, malbata Eyşe Şan û gelek welatî amade bûn.
Seroka Daîreya Çand, Huner û Karên Civakî ya Şaredariya Bajarê Mezin a Amedê Zeynep Yaş, diyar kir ku ew bi salan e her xwestine Eyşe Şan li vir bibîr bînin û got ku ev daxwaz hem a hunermend Eyşe Şan e û hem jî daxwaza gel a hevpar e.
Kurê hunermend Eyşe Şan Mûrat Kersen, jî diyar kir ku ji ber wesiyeta dayika wî hatiye bicih anîn, ew gelek kêfxweş e û got ku ew Eyşe Şan emanetê gel dike.
Siyasetmedar Yuksel Avşar jî, anî ziman ku ew hêvî dike anîna cenazeyê Eyşe Şan bo Amedê bibe wesîleya aştî, azadî û xwişk-biratiyê.
Endama Ma Musicê Evîn Dûlek jî Eyşe Şan weke “Hunermenda nemir ku dîrokê ronî dike û mîrateya wê îro jî zindî ye” pênase kir.
Piştî axaftinan dua hatin xwendin û qaranfîl danîn ser gora Eyşe Şan.
