Meclisa Malbatên Şehîdan a bajarê Qamişloyê ji bo gerîlayên HPG’ê Nûjiyan Egîd (Dilşa Ahmed) û Bawer Qamişlo (Hasan Elî Elîso) yên ku 5’ê Mijdara 2022’an de li Zapê şehîd bûne, merasîmek li dar xist. Merasîm li hola Pakrewangeha Şehîd Delîl Saroxan bi amadebûna şêniyan, nûnerên saziyên sivîl, partiyên siyasî û malbatên şehîdan pêk hat.
Piştî rêzgirtinê endamê Meclisa Malbatên Şehîdan a bajarê Qamişloyê Hisên El Kerîm, berpirsê Meclisa Malbatên Şehîdan a Hêzên Erka Xweparastinê yên Kantona Cizîrê Şêrzad, endama Kongra Star Şeha Hesarî, endamê Kongreya Îslama Demokratîk a Herêma Bakur û Rojhilatê Sûriyeyê Şêx Omer El Hemdî û endamê PYD’ê Mihemed Gozê axivîn.
Di axaftinan de bal kişandin ser yekitî û hevgirtina gelan û gotin, xwîna şehîdên ji tevahî pêkhateyan bingeha vê yekitiyê çêkir.
Kesên axivîne îşaret pê kir ku şehîd Dilşa û Hasan di rêya parastina doza ku pê bawer kirin de şehîd bûn.
Di axaftinan de ta avakirina civakeke demokratîk û pirrengî soza domandina rêya şehîdan hate dayîn.
Piştre sînevîzyonek li ser têkoşîna her du şehîdan hat pêşandan. Nasnameyên herdu şehîdan jî hatin xwendin û radestî malbatên wan hatin kirin.
Merasîm bi dirûşmên “Şehîd namirin” bi dawî bû.
