Parlamenterê DEM Partiyê yê Mêrsînê, parêzer Alî Bozan çû serdana girtiyên li Girtîgeha Kurkçuler û Suluca yên Edeneyê tpn girtin û pirsgirêkên girtiyên siyasî guhdar kir. Girtiyan ragihand ku pirtûkên ku bandrolên wan heyî, her çendî qanûnî bin jî, ji ber ku peyvên “Kurd”, “Kurdistan” û “gerîla” tê de hene, nadine wan. Parlamenter Bozan destnîşan kir ku ev sepandin ne li gorî hiqûqê ye û ev nîjadperestî ye.
Bozan bi hevkariya parêzerên Komeleya Hiqûqnasên Ji Bo Azadiyê (OHD) ya Şaxê Edeneyê, serdana girtîgehan kir û pirsgirêkên ku girtiyan ragihandine, bi raya giştî re parve kirin.
‘PIRSGIRÊKA AVÊ HEYE’
Bozan diyar kir ku li Girtîgeha Sûlûcayê pirsgirêkeke giran a avê heye û ev yek bûye sedema pirsgirêkên mezin ên paqijiyê. Bozan behsa pirgirêkên ku girtiyan jê re gotine wiha anî ziman: “Pirtûkên bi bandirol, ji ber ku tê de peyvên “Kurd”, “Kurdistan” û “gerîla” hene, têne qedexekirin. Ev biryar di qanûnan de tune ye; ev biryar tenê di nîjadperestiyê de heye.”
‘GIRTÎ SÊ SAL IN NAÇIN NEXWEŞXANEYÊ’
Bozan ragihand ku lêgerînên gundirê dev ên li girtîgehên Kurkçuler û Sûlûcayê têne kirin, bûne sedema nerazîbûnên mezin û ji ber vê yekê girtî sê sal in naçin nexweşxaneyê.
Alî Bozan bi parêzeran re li ber girtîgehê daxuyanî da û bang li Wezîrê Dadê Yilmaz Tunç kir û got: “Van pirsgirêkan bi dawî bikin!”
