Yekîtiya Jinên Elewî yên Demokratîk (DAKB) û Federasyona Demokratîk a Elewiyan (FEDA), ji ber salvegera fermana 73’yan a ku DAÎŞ’ê di 3’yê Tebaxa 2014’an de li dijî gelê Êzidî pêk anî, xwe ji bo çalakiyek girîng a bîranînê amade dike.
Perestgeha nû ya Êzidiyan, ku li gundê Dugirkê yê girêdayî bajarê Amûdê yê Rojava bi tevkariyên FEDA’yê hatiye avakirin. wê di 3’yê Tebaxa 2025’an de were vekirin. Armanca perestgehê ew e ku bîranîna qirkirina Êzidiyan zindî bigire û berxwedana gel sembolîze bike.
FEDA û DAKB’ê, di daxuyaniyên xwe de bal kişandin ku ev perestgeh wê bibe cihê şifa, hevgirtin û ronîkirinê.
FEDA û DAKB’ê, qirkirina li ser Êzîdyan şermezar kirin û gotin, “Em careke din îlan dikin ku em li cem gelê Kurd in.”
Saziyên Elewiyan şervanên QSD’ê yên li dijî hovîtiya DAÎŞ’ê li ber xwe didin silav kirin û bang li gel kirin ku tevlî merasîma vekirinê bibin.
