Mirinên bi guman û kuştina jinan ên ku ji ber hişmendiya serdestiya mêran, tundiya sîstematîk û polîtîkayên bêcezatiyê têne gur kirin, berdewam dikin.
Li navçeya Çukurova ya Edeneyê, mêrê bi navê Eyup Verîm hevsera xwe Merve Verîm û keça wê Elîf Verîm bi guleyan qetil kir. Di dema bûyerê de zarokek din li malê bûye û xwe rizgar kiriye. Hat hînbûn ku piştî bûyerê Eyup Verîm jî întîhar kiriye.
Li navçeya Yenîşehîr a Amedê jî, Melîha Kaya, dayika pênc zarokan, di bin şert û mercên gumanbar de mir. Hat îdiakirin ku Melîha Kaya, ku demek dirêj ji hêla hevserê xwe ve rastî tundiyê dihat, xwe kuştiye.
Hat zanîn ku zarokên Melîha Kaya li ser gorê gotine ‘Bavê me kujerê dayika me ye.”
