Coşa festîvala ku bi wesîleya rojbûna Rêber Apo ya 76’emîn dihat plankirin li navçeya Xelfetî ya Rihayê bi dirûşma “Bi Rêbertiya Azad re Ber bi Civaka Demokratîk ve” bê lidar xistin, zû destpê kir.
Beriya festîvala ku tê plankirin saet di 13.00’an de li Parka 4 Nîsanê ya li navenda navçeyê destpê bike, gel li ber avahiya navçeya Xelfetî ya Partiya Wekhevî û Demokrasiyê ya Gelan (DEM Partî) li hev kombûn û govend gerandin. Gel wê heta dema festîvalê li ber avahiya navçeyê rawestandina xwe bidomîne. Piştre jî wê ji ber avahiya navçeyê heta qada festîvalê, Parka 4 Nîsanê meşeke girseyî bê pêkanîn.
Ji bo tevlîbûna festîvalê bi hezaran kes ji bajarên cuda yên Kurdistan û Tirkiyeyê hatin navçeyê. Di qada festîvalê de amadekariyên pêwîst hatine temamkirin.
Di festîvala ku wê saet di 13:00’an de destpê bike de, wê konserên muzîkê û panel bên lidar xistin û axaftin bên kirin. Festîvala ku wê heta derengiya şevê dewam bike, wê endamên Meclîsa Ciwanan a DEM Partiyê ku ev 3 roj in bi dirûşma “Bi Civaka Demokratîk re ber bi Azadiyê ve” dimeşin di saet 16:00’an de beşdar bibin.
Festîval wê sibe jî bidome. Çalakî wê saet di 13:00’an de bi meşa ber bi Amarayê ve bi pêşengiya Tevgera Jinên Azad (TJA) dewam bike.
