Bi sedan kes ji şêniyên bajarê Qamişloyê li sere bagna seferberiya giştî li çerxerêya Rojava kom bûn. Girse ku ji bo parastinê çek rakir, dirûşmên “Bijî berxwedana Rojava”, “Yek yek yek e, gelê Kurd yek e” û “Berxwedan jiyan e” berz kirin.
Di kombûnê de heveserokê Meclisa Malbatên Şehîdan a bajarê Qamişloyê Ubeyd Etê axivî.
Ubeyd Etê di axaftina xwe de got: “Ji zêdetirî 16 salan ve li dijî gelê me êrişên hovane têne kirin. Bi rêbazên cuda û bi navên cuda mîna DAIŞ û hevkarên wê û bi desteka rasterast a hikumeta AKP’ê ya bi serokatiya Erdogan hewl didin îradeya gelê me bişkînin û Rêveberiya Xweser têk bibin. Îro jî êriş ji aliyê wezareta parastinê ya hikumeta demkî ve ku ji cîhadîst û terorîstan pêk tê dewam dikin.”
Etê diyar kir ku li hemberî van êrişan helwesta gel berxwedan e û ev li axaftinên xwe zêde kirin “
Em wekî Însiyatîfa Gel a bajarê Qamişloyê careke din soza xwe bi şehîdên xwe û hêzên re nû dikin. Em ê bi rihê şehîd Egîd, Ziyad, Denîz û Rojbînan ên ku wateyên mezin ên fedayetiyê nîşan dan, berxwedanê bidomînin.”
Etê di dawiya axaftina xwe de got: “Em serî natewînin, em ê bazaran li ser rûmeta xwe nekin. Gelê Rojava dê heya nefesa dawîn berxwedanê bike. Em ê nehêlin gelê me were koçberkirin û xêr û bêra welatê me werin talankrin. Îro cenga hebûnê ye. Çawa me DAIŞ’ê têk bir em ê tevahî planên li ser gelê me têk bibin. Berxwedan jiyan e.”
