Gerîlayên YJA Starê Bêrîtan Girêspî, Eylem Gabar, Bawerîn Çiya û Avaşîn Gimgim bi wesîleya 8’ê Adarê Roja Jinên Kedkar ên Cîhanê peyam dan. Gerîlayên YJA Starê bi nameya ji Rêber Apo wergirtî 8’ê Adarê ya îsal bi coş û kelecaneke hîn mezin pîroz dikin.
Bêrîtan Girêspî: 8’ê Adarê di serî de li Rêber Apo, li hemû jinan, jinên Kurd û Ereb pîroz dikin. Îsal wê bibe saleke cuda û nû. Peyama Rêberê me gihîşt me. Îsal wê bibe sala azadiya Rêber Apo. Ji ber vê yekê em bi kêfxweşî pîroz dikin. Em di wê baweriyê de ne ku 8’ê Adarê wê gelekî mezin bê pîrozkirin. Ji ber ku em çiqasî vê têkoşînê xurt bikin em ê ewqasî nêzî Rêber Apo bin. Têkoşîna me wê li cîhanê belav bibe. Di wê baweriyê de me ku em ê bi gelê xwe yê welatparêz û jiann re têkoşînê hîn mezin bikin.
Weke jineke Ereb dixwazim vê bibêjim: Bi rastî jî ev têkoşîn ne tenê ji bo Kurdan e, ji bo hemû jinan e. Ji bo jinên bindest, ji bo gelan e. Fikrên Rêber Apo bi berxwedan û têkoşîna me wê hîn bêhtir belav bibe û xurt bibe. Di dawiyê de jî wê bi ser bikeve.
Têkoşîna li dijî ne tenê ji bo çekê ye. Têkoşîn ne tenê çekdarî ye. Ji ber ku em daxwaza azadiya hemû jinan dikin. Azadiya Rêber Apo azadiya jinan hemûyan e. Bi taybetî ji bo azadiya jinên Kurd û Ereb wê bibe zemîneke xurt. Û ev têkoşîn wê serketineke mezin bîne cîhanê.
8’ê Adarê li dayikên şehîdan, li jinên li her qadê li ber xwe didin, li tevahiya jinan pîroz dikim.
ROJA BILINDKIRINA TÊKOŞÎNÊ
Eylem Gabar: Em jinên têkoşer, me gelek berdêlên giran dan. Ne tenê ji bo jinên Kurd, ji bo hemû jinên kedkar û bindest, ji bo azadiyê em têkoşiyan. Rêberê me nameyek ji me re şand. Weke gerîlayên YJA Starê me name xwend, em gelekî kêfxweş bûn û kûr bûn. Di têkoşînê de ji bo me bû çavkaniyeke mezin a hêzê. Ji xwe bi vî rengî bû, hîn xurt bû.
Bi berdêlên giran em gihîştin vê astê. Me gelek şehîd dan, hevrêyên me heta dilopa dawî ya xwîna xwe li ber xwe dan. Em ne tenê ji bo çekê hatin çiyê. Ji bo parastina jinan, ji mafên jinan em hatin. Bi têkoşîn û hêza mezin a Rêberê xwe em gihîştin vê astê. Me berdêlên giran dan, em ê bidin. Em ne tenê ji bo jinên Kurd têdikoşin; ji bo hemû bindestan û jinên ku mafên wan ji wan hatine standin, em têkoşînê dimeşînin.
Li welatekî azad, bi Rêberê azad em ê bi hev vre bijîn. Li ser vê esasê em ê têkoşîna xwe dewam bikin. Nameya Rêberê me ji bo me hêzeke mezin e. Em ê bi hemû jinên kedkar û têkoşer re bi ser bikevin.
Bawerîn Çiya: 8’ê Adarê li Rêber Apo û hemû jinên têkoşer û berxwedêr pîroz dikim. 8’ê Adarê ji bo jinan rojeke bi wate û pîroz e. Ne tenê 8’ê Adarê, em tevlîbûna xwe ya li rêxistinê pîroz dibînin. Yê ku ev roj bi me da naskirin û wateya wê da fêhmkirin Rêber Apo ye. Tevlîbûna jinên ji gelên cuda li nava tevgera me, ji bo me xwedî wateyeke gelekî mezin e. Li ser vê bingehê em deyndarê Rêber Apo ne. Fikir û felsefeya Rêber Apo kir ku em vê rojê bibînin û bi gelên cîhanê re pîroz bikin. Karên ku Rêber Apo ji bo jinê kir, derfet da me ku em vê fêhm bikin. Ji ber ku Rêber Apo 26 salan li zindanê li ber xwe da, ji bo me projeyek ava kir. Bi saya Rêber Aop êdî her rojên me li gorî wateya 8’ê Adarê ne. Weke gerîlayên YJA Starê em 8’ê Adarê careke din li hemû jinan pîroz dikin.
Avaşîn Gimgim: 8’ê Adarê bi taybetî li Rêber Apo û hevrêyên li zindanan pîrzo dikin. 8’ê Adarê tê wateya azadiya jinê û xwerêvebirinê. 8’ê Adarê ne tenê rojeke bê bîranîn, 8’ê Adarê ji bo me her roj e. Jinên li febrîqeyan kar dikin, jinên li hemberî desthilatdariyê li ber xwe didin, bi têkoşîneke xurt berxwedana xwe dewam dikin. Fikir û felsefeya Rêber Apo ên li ser jinê îro li tevahiya cîhanê belav bûne.
