Hejmara meha Adarê ya Kovara Stêrka Ciwan a ciwanên Kurdistanî û enternasyonalîst ên li Ewropayê, derket. Kovara Stêrka Ciwan li Ewropayê yek ji weşanên herî demdirêj e. Di vê kovarê de herî zêde nivîsên bi zimanê Kurdî û Elmanî tên nivîsîn, cih digirin.
Di beşa Kurdî ya kovarê de, analîza Rêber Apo ya “heta jin azad nebe, civak azad nabe” û dahûrandina Rêber Apo ya “doza rizgariya jinê, meseleyeke civakî ye” cih digirin. Di beşa Elmanî ya kovarê de, dahûrandina Rêber Apo ya têkildarî 8’ê Adarê Roja Jinên Kedkar ên Cîhanê cih digire. Koordînasyonên Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) ji ciwanan re perspektîf nivîsandine.
Di beşa nirxandinê de jî nirxandina yek ji damezrînerên PKK’ê Alî Haydar Kaytan a bi sernavê “Rêberî Mirovî Herî Sade ye” û nivîsa ji diyalektîka têkoşînê ya Rêber Apo hatî girtin, cih digirin.
Her wiha nirxandinên têkildarî di Şerê Gel ê Şoreşgerî de rol û mîsyona ciwanan, Jineolojî û Newrozê cih digirin.
Di beşa bîranînê ya kovarê de jî, ji bo bîranîna Kawayê Hemdem ê Newroza PKK’ê Mazlum Dogan, nivîsa bîranînê ya ji HPG Online hatî girtin, cih digire.
