Amade kirdinî: Nîma Sertîp, Rojnamey Kurdistanî nwê
Dilyan be Hizbî Tûde xoş nebû
Laşayî bas le Simaylî şerîfzade û mela Aware dekat û delêt: tewaw
Komonîst û şorişigêrî çep bûn, Şerî zade bedem rêgawe kitêbî dexwêndnewe û deywîst zortir bixwênêtewe û zortir şit bizanêt, mela Awareş puxtetir û mendtir bû le çaw ewanî dîke, mela Aware şê’rîşî denûsî û naznaw î ” Aware” bû. Simaylî Şerîfzade û hawrêkanî di dilyan be hizbî Tûde xoş nebû. L,21
Sebaret be Şerîfzade û Suleymanî Mu’înî, Laşayî delêt :” Şerîfzade û Mu’înî layenî rûnakbîryan hebû û eweş serçawey le şewq û helpey ewan bo zanîn û fêrbûnî meseley siyasî û tîorî bû. Hem taybetmendî rûnakbîryan hebû, legel xelk û bo xelik bûn.” L, 33
Xusrew Sefayî nasraw be kak Qubad
Xusrew Sefayî yekêke le serkirdekanî Sazmanî Inqîlabî, bo maweyek legel hawrêkanî peywendîyan be bizûtnewekey Simayil Şerîf zadewe kird û paş şehîdbûnî Simayil Şerîfzade û hawrêkanî, gerayewe bo Ewrûpa û paşanîş le salî 1972 gerayewe bo Iran be mebestî dirêjedan be xebat, belam salî 1976 le layen dezgay Sawakewe destgîr kira û duwatir le jêr eşkenceda gyanî le dest da. L, 561
Sefayî katêk ke dêt bo Başûrî kurdistan naznawî ” Qubad” bo xoy heldebjêrêt û be wutey Muhsîn Rîzwanî ke yekêke le serkirdekanî Sazmanî Inqîlabîye, Mam Celal Xusre Sefayî zor xoşewîstuwe û ew xoşewîstîye way kirdûwe ke nawî kurekey binêt Qubad.
Muhsîn Rîzwanî nasraw be kak ‘Elî yekêkî dîke bû le serkirdekanî Sazmanî Inqîlabî sebaret be Mam Celal delêt: Mam Celal kesêkî lêhatû bû,le yek katda deytuwanî peywendî dostayetî legel dû layenî dujmin û yek newîstda hebêt, taybetmendîyek ke le hîç kam li rêberanî Kurd da nebûwe û êstaş nîye. Mam Celal mirovêkî behoş û be zekawet bû, kitêbî zor dexwêndewe.
Faruq Mela Mistefa sebaret be Sazmanî Inqîlabî delêt: be hoy Mam Celalewe minîş bûme dostî Sazmanî Inqîlabî ke Dr. Celal û Dr. Ibrahîm û Isma’îl le serkirde serekîyekanî bûn. Rojnamekeyan nawî (starêyê sorx) estêrey sûr bû. Sazmanî Inqîlabî zor dostî mam Celal bûn û zoryan xoşdewîst û supasyan dekrid.
Ruwangey Newşîrwan Mistefa sebaret be Sazmanî Inqîlabî
Newşîrwan Mistefa lebarey bîrubawerî Maotisê tong le Kurdistanî Iraq delêt: bîr û bawerrî Maotsê tong le layen taqmêk le kadranî “Sazmanî Inqîlabî hizbî Tûdey Iran le derewey wulat” ke ewsa le Kurdistan bûn bilawkirawe, êmeş û duwayî Komeleş le jêr tesîrî ewan em bîru bawrraneman wergirt. Mebestî serekîman ewe bû rêbazêkî siyasî ciyawaz û serbexo le her dû hizbî şîw’î (lêcney Merkezî û Qiyadey Merkezî) û her dû partî (Celalî û Melayî bidozînewe). Min xom egerçî rêzêkî zorim bo Maotisê tong hebû wekû bîrkereweyekî şorişgêr û serkirdeyekî mêjûî gelî Çîn, belam le seretay damezrandinî Komelewe reîm wabû bîrubawerî Mao ” tebenî ” nekrêt, ke çûme Ewrupaş hendê qena’et û bawerim zortir goran”) L, 356
Fuad Qeredaxîş têruwanînî xoy heye
Fuad Qeredaxî ke endamî destey damezrêner û yekem komîtey serkirdayetî û cêgrî yekemî sikirtêrî Komele buwe sebaret be Sazmanî Inqîlabî delêt: “le kotayî şestekanî sedey rabridû, rêkxirawêk le hizbî Tûdey Iran be nawî “Sazmanî Inqîlabî hizbî Tûde le derewey wulat” hatne Silêmanî. Sebaret be karîgerî Sazmanî Inqîlabî leser araste kirdinî ême berew riêbazî Maotisê tong rastîyeke nikolî lê nakrêt û ew maweyey ke Kurşî Laşayî (Dr. Celal) le Silêmanî bû karîgerîyekî roşnibîrî le serman hebû, herweha kesî dîkey Sazmanî Inqîlabî be nawekanî Xusrewî Sefayî nasraw be Qubad û Irecî Keşkolî nasraw be Isma’îl, karîgerîyan hebû. Jimareyek le serkirdekanî Sazmanî Inqîlabî, Kurş Laşayî (Dr. Celal), Dr.Siyaweş Parsa Nejad (Dr.Cewad), Dr. ‘Elî Sadiqî (kak Ibrahîm), Xusrew Sefayî (kak Qubad), ‘Eta Keşkolî (kak Murad), Irec Kşkolî (kak Isma’îl) Siyamek Mueyyed zade (kak sefa), Muhsîn Xatemî (kak Kemal) û jimareyekî dîke rûyan le Başûrî Kurdistan kird û be wutey ‘Arif Kerîm, biraderanî Sazmanî Inqîlabî ke helgirî bîrubawerî Marksîzm lînînîzm û bîrubawerî Maotisê tong bûn û karîgerîyekî gewreyan hebû leser bizûtnewey çepî nwê, ewan ke hatin bo Kurdistan û le dewrî mam Celal û serkirdekanî tir kobûnewe û tuwanyan rêrewî siyasî le Kurdistan bgorin be qazancî çep” l, 388
Kitêbî Sazmanî Inqîlabî û Kurdistan le rastîda wergêranî jimareyek babetî taybetî Tûde, bilawkirawey Sazmanî Inqîlabî û kurte nûsînî jimareyek le rûnakbîr û têkoşerî Kurdistane sebaret be ezmûnî xoyan legel ew tîkoşere Iranyaneye û dû nûsîn le layen Laşayî û kitêbekanî Hemîd Şewket e.
Herweha lew kitêbeda jimareyek belge û wêneş sebaret be peywendîyekanî nêwan Sazmanî Inqîlabî û bizûtnewey Kurd xirawnete rû.
Pêwîste biwutrêt em nûsîne tenha çend sernic û têbînyeke û dekrêt be têruteselî leserî binûrsêt.
Serçawe/ kitêbî ” Sazmanî Inqîlabî û Kurdistan, le amadekirdnî û ergêranî Hesen Qazî
Dirêjey heye…
